24-ноябрда өтө турган элдик курултайга 600дөн ашык адам катыша турганы айтылды

24-ноябрда өтө турган элдик курултайга 670ге жакын адам катышары күтүлүүдө. Бул тууралуу бүгүн, 22-ноябрда маалымат жыйында курултайдын уюштуруучуларынын бири Кеңешбек Дүйшөбаев билдирди.

Анын айтымында, иш-чарага партиялар, саясий кыймылдар жана коомдук ишмерлер катышат. "Курултайга катышам деп кайрылып жаткандар көп, бирок Кыргыз драма театры 670 гана адамга ыңгайлашкан. Иш-чарага катыша албай калган мекендештерибиз маалымат каражаттары аркылуу жыйындын жүрүшү менен тааныша алышат", - дейт Дүйшөбаев.

Ал тийиштүү органдарга коомдук тартипти сактап берүү боюнча кайрылуу жөнөтүлгөнүн кошумчалады. Анын айтымында, милиция кызматкерлери коомдук тартипти сактап беришет, ал эми "Кырк чоро" кыймылы имараттын ичиндеги тартипти көзөмөлдөйт.

Автор: Жылдыз Джускембаева
Фото: Жылдыз Джускембаева