Сайдулла Нышанов: "Айдоочулук күбөлүктү сатып алып, жол эрежесин бузгандар көп катталып жатат"

"Коопсуз шаар" долбоорунун алкагында камералар орнотуу менен жол бузуу эрежелери азайышы мүмкүн. Бирок буга чейинки жол эрежелерин бузуу себептери айтылбай жатат". Мындай пикирин бүгүн, 28-ноябрда Жогорку Кеңештин жыйынында депутат Сайдулла Нышанов айтты.

Ал акыркы жылдары айдоочулук күбөлүк көп сатылып, жол кырсыктары тез-тез катталып жатканын айтты.

"Жол кыймылын көзмөлдөө кызматкерлери айдоочуларды токтотуп, жол эрежелеринин белгилерин сураса, 10 суроонун бирөөсүнө араң жооп айтышат экен. Бул айдоочулук күбөлүктү көпчүлүк сатып алып жатканынан кабар берет", - дейт депутат.

Нышанов: "Жол жээгине мыйзамсыз токтотулган унааларды алып кетүүдө жаңжал чыгат экен, эмне себептен тартиптүү, таза иш кыла албайбыз?"

Биринчи-вице-премьер-министр Кубатбек Боронов жакында мыйзамсыз иштердин баарына бөгөт коё турган долбоор ишке кире турганын айтты.

Автор: Наргиза Өмүрбек кызы