"Кат жөнөттүк, жооп келе элек". Иса Өмүркулов аны фракция лидерлигинен кетирүү аракети боюнча комментарий берди

КСДП фракциясы Иса Өмүркуловду фракция лидерлигинен кетирүү боюнча партиянын чечимин качан карай турганы белгисиз. Ал өзү бүгүн, 30-ноябрда SUPER.KG порталына билдиргендей, партиядан толук маалымат дале келе элек.

"Партиянын жыйынына кимдер катышканы тууралуу маалыматты сурап, кат жөнөткөнбүз. Жооп дале келе элек. Бул чечим мыйзамсыз экенин билебиз", - деди Өмүркулов.

"КСДП Атамбаевсиз" деген ураан менен жыйын өткөрүп жүргөн активисттер Өмүркулов менен жолугушуу өткөрүп, фракция лидери аларды колдоду деп маалымат тараткан. 31-октябрда КСДП Иса Өмүркуловду "партиянын негизги максатына жана партиянын жобосуна каршы аракет жасаган" деп өз курамынан чыгарган. Өмүркулов аны партиядан четтеткен КСДПнын саясий кеңешинин жыйынын "легитимсиз" деп атаган.

Автор: Жылдыз Джускембаева