Москвада пенсионерлерди тоноп жүргөн эки аял кармалды

Москвада пенсионерлерди тоноп жүргөн эки аял кармалды. Бул тууралуу орусиялык маалымат каражаттары жазып чыкты.

Маалыматка ылайык, буга чейин полицияга арыз менен бир нече пенсионерлер кайрылган.

"Жабырлануучулар белгисиз эки аял "социалдык кызматкербиз" деген шылтоо менен алардын үйүнө кирип чогулткан акчаларын алып, изин жашырып кеткенин билдиришкен. Иликтөө иштеринин алкагында кылмышка шектүү катары 50 жана 33 жаштагы эки аял кармалган. Учурда кылмыш иши козголуп, тергөө амалдары жүрүүдө", - деп айтылат маалыматта.

Автор: Мальвина Уметбекова