"Курулуш компания же үйдү ишке бербейт же акчабызды кайтарбайт” деген мугалим маалымат жыйын берди (видео)

Бүгүн, 20-декабрда "SUPER-MEDIA" маалымат борборунда Айгүл Бердигулова аттуу мугалим турак жай боюнча өзү кабылган окуяны айтып, мунун кесепети боюнча журналисттерге маалымат жыйын берүүдө.

«Мурдагы «Арабиан-Кыргыз «Аль-Хнейзи» учурда атын «Ынтымак Курулуш» деп өзгөртүп алган курулуш компания 2 жыл мурда ишке берилет деп, убадалаган көп кабаттуу үйдү ишке бербей жатып, жаңы үй курууну баштаптыр. Учурда “акчаңарды кайтарып берем” деп жаткан компаниянын директору жарым жылдан бери “ана-мына берем” деп дольщиктерди алдап келе жатат. Эмнеге мамлекеттик органдар ушундай фирмалардын иштешине жол берет?», - дейт мугалим болуп иштеген дольщиктердин бири.