Депутат агрардык багытка канча насыя алынганын сурады

Бүгүн, 23-январда Жогорку Кеңештин жыйынында депутат Махабат Мавлянова акыркы жылдары агрардык багытка канча насыя алынганын сурады.

Финансы министринин орун басары Суеркул Абдыбалы тегин 1992-жылдан бери айыл чарба тармагына 1 миллиард долларга жакын каражат алынганын айтты. "600 миллион доллар насыя түрүндө, калганы грант түрүндө берилген. 2019-жылы айыл чарба багытына насыя алынган эмес", - дейт ал.

Депутат 1992-жылдан бери 1 миллиард доллар алынса, айыл чарба тармагы өнүгүп кетиши керек болчу деген пикирин айтты .

Жыйында “Агрардык өндүрүштүк-сатып өткөрүү байланыштарын каржылоо” долбоору боюнча Кыргыз Республикасы менен Германия өнүктүрүү банкынын ортосундагы каржылоо жөнүндө келишимди ратификациялоо тууралуу” мыйзам долбоору каралууда.

Автор: Жылдыз Джускембаева