Кардын калың жааганына байланыштуу Ала-Бел ашуусунда жол тыгыны жаралды

Кардын калың жааганына байланыштуу Ала-Бел ашуусунда жол тыгыны жаралды. Бул тууралуу Жалал-Абад облустук жол кыймылынын коопсуздугун камсыздоо бөлүмүнөн билдиришти.

Маалыматка ылайык, Токтогул райондук жол кыймылынын кызматкерлери тарабынан тыгындар жоюлду. Учурда жеринде №23 жол тейлөө мекемесинин кызматкерлери тынбай иш алып барууда. Ага карабастан аба ырайынын өтө суук болгондугунан жолдогу кардын ээришине кыйынчылык тудурууда.

Ошол себептен бүгүн саат 17:00дөн баштап Бишкек - Ош унаа жолунун 272-чакырымында жайгашкан "Арал" стационардык посттунда оор жүк ташуучу унаалар үчүн убактылуу чектөө киргизилди.

Автор: Айсалкын Качкынбекова