Матраимовдор "24.kg" сайтына койгон материалдык доосунан баш тартты. Аталган сайт далилсиз макала жарыялаганы үчүн төгүндөө чыгармак болду

Бүгүн, 27-январда Мамлекеттик бажы кызматынын төрагасынын мурдагы орун басары Райымбек Матраимов "24.kg" сайтына койгон 15 миллион сомдук материалдык доосунан баш тартты. Бул тууралуу Матраимовдордун жактоочусу Канатбек Азиз өзүнүн социалдык тармактагы баракчасына жазып чыкты.

Маалыматка ылайык, "24.kg" сайты буга чейин жарыялаган макаласы далилсиз болгону үчүн төгүндөө чыгарат.

Буга чейин 20-январда болуп өткөн соттук отурумда "24.kg" сайтынын өкүлү Матраимовду коррупцияга күнөөлөп жарыялаган материалы боюнча далили жок экенин айткан.

Матраимовдор "Азаттык", "Клооп", "24.kg" сайттарына карата арыз жазып, 60 миллион сом доону талап кылган. Жогорудагы сайттарга карата доо арыз менен сотко кайрылууга чейин Жогорку Кеңештин депутаты Искендер Матраимов Жалпыга маалымдоо каражаттарына түшкөн даттанууларды териштирүү боюнча комиссияга кайрылган. Анда депутат "Азаттыкка" карата жазган арызы боюнча чечим чыгарууну сураган, бирок комиссия кайрылууну кароодон баш тартуу бүтүмүн кабыл алышкан.

Өткөн жылдын 6-декабрында УКМКда сурак берип чыккан Райымбек Матраимов "Азаттыктын" иликтөөсүндө аты аталган Айэркен Саймаитини тааныбай турганын, 700 миллион долларга эмес, 7 тыйынына дагы тиешеси жоктугун айткан. Кийин жергиликтүү басылмалардын бирине берген маегинде Райымбек Матраимов "Мен түшүнбөйм. Эми журналисттер эмнеден коркот? “Сотко далилдей албай калабыз” деп коркобу? Чыгарган маалыматтарынын чындыгына (жетиштүү фактылар менен далилдешсе...) көздөрү жетсе, анда сот алдында эми далилдеп беришсин" деген.

Автор: Айсалкын Качкынбекова

14:33 27-01-2020

Жазылуу

Тектеш кабарлар:

"Айэркен Саймаити боюнча түзүлгөн депутаттык комиссиясына тиешелүү министрликтерден 80 пайыз маалыматтар келди" дейт Талант Мамытов

Искендер Матраимов "Азаттыктын" иликтөөсү боюнча: "Анонимдүү маалыматты ишенимдүү булак деп жарыялоо туура эмес"

Ички иштер министринин орун басары: "Хуфур Абдырахеман менен аэропортто табылган жарандын Айэркен Саймаити менен байланышы бар же жогу аныкталууда"

Депутат: "Кыргыз мамлекетине Кытайдан келген импорт боюнча эки өлкөнүн статистикасында айырма болуп жатканы жаман көрүнүш"

Бишкек шаардык соту "Азаттыктын" жактоочусунун арызын карап чыгып, аны канааттандырган жок

Айэркен Саймаити боюнча түзүлгөн депутаттык комиссиянын жыйыны өтүүдө

Финпол: "Азаттыктын" Матраимовдорго байланыштуу иликтөөсү боюнча Айэркен Саймаити тарабынан 2 миллион 300 миң доллар которулган акча өз далилин тапкан жок"

Cооронбай Жээнбеков Кыргыз өлкөсүнүн Стамбулдагы башкы консулу Эркин Сопоковду кызматынан алды

Депутат Касымалиева Саймаитинин өлүмү боюнча Түркиянын полициясы менен кызматташуу кандай абалда болуп жатканын сурады

"24.kg" артка чегинди. Редакциянын өкүлү сотто Матраимовду коррупцияга күнөөлөп жарыялаган материалы боюнча далили жок экенин айтты

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 946 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 832 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3549 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1029 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1744 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 642 0

Архив

Комментарийлер (6)

Jaznura

2020-01-27 14:38:52

24.кг бир кадам артка таштаптыр да.

robot111

2020-01-27 14:52:00

Матраимовду каралоо бир гана Атамбаевдин саясий кызыкчылыгы болуп жатканы баарыбызга белгилуу бирок эмнеге 6-жыл чогуу таможняны тоноп АША Раимди ай сайын саан уйдай саап туруп бугунку бийлике жармаштырып жатат, Раим 6-жылда миллионер болгон болсо, Атамбаев мультимиллионер болду

-3

Absamat-90

2020-01-27 14:41:08

Эгер маалымат так болсо баш тартпаса керек эле журналисттер.

-1

Alia82

2020-01-27 16:09:36

Absamat-90,саймати олуп кетсе каяктан табат далилди

chake

2020-01-27 14:47:47

Демек 24 kg да бирөөнүн заказын аткарган артка чегинип калыптыр

-2

Kyrgyz_bloger

2020-01-27 15:19:43

Раим Ашанын убагында иштегенине карабай жооп бериши керек,кимдин убагында иштеген айырмасы жок,откондо айтты абдыраз фирмасы олкого 6 миллиард сом зыян кылган деп,Дубайдагы этаж боюнча изилдеш керек,анан кошоматчылар Раимды эч ким Сокеге жармаштырган жок,бирок азыр президент Соке да жоопкерчилик анын колунда да,анда Ашанын убагында кылмыш кылгандардын баарын бошотуп коюш керек,кылмыш кимдин убагында кылынбасын ал эскирбейт.

Комментарий калтыруу үчүн өз ысымыңыз менен кириңиз же каттоодон өтүңүз.