11-февралдан баштап абанын температурасы төмөндөйт. Өлкө аймагында күтүлүп жаткан аба ырайы тууралуу маалымат

Кыргызгидромет өлкө аймагында күтүлүп жаткан аба ырайы тууралуу маалымдап, 11-февралдан баштап абанын температурасы төмөндөй турганын билдирет.

6-февралда күндүз Чүй, Талас, Ош, Жалал-Абад, Баткен облустарынын тоо этектеринде жана тоолуу райондорунда кар жаашы күтүлөт. Чүй, Талас, Ош, Жалал-Абад, Баткен облустарынын өрөөндөрүндө жана Ысык-Көл, Нарын облустарында жаан-чачын күтүлбөйт.

Жолдор тайгак болуп, батыштан соккон шамалдын ылдамдыгы секундасына 4-9 метрге жетиши күтүлөт.

7-8-9-февралда жаан-чачын күтүлбөйт. Шамалдын багыты өзгөрүлүп турат, ылдамдыгы секундасына 1-6 метрге жетиши күтүлөт.

10-11-февралда республиканын аймактарында күтүлгөн аба ырайынын жакындатылган болжолдоосу

10-февралда Чүй, Талас, Ош, Жалал-Абад, Баткен облустарынын тоо этектеринде жана тоолуу райондорунда кар жаашы күтүлөт. Чүй, Талас, Ош, Жалал-Абад, Баткен облустарынын өрөөндөрүндө жана Ысык-Көл, Нарын облустарында жаан-чачын күтүлбөйт.

11-февралда көпчүлүк аймактарда жаан, кар жаашы күтүлөт. Абанын температурасы төмөндөйт.

Автор: Бактыгүл Момбекова