Интернетке "Телефондогу бардык сүйлөшүүлөр жазылып алынат" деген билдирүү тарады. УКМК жооп берет

Социалдык тармактарда УКМКнын басма сөз кызматынын атынан бардык телефондук сүйлөшүүлөр жана билдирүүлөр жазылып алынууда деген маалымат тарады. Анда 2020-жылдын 3-февралынан тарта байланыш тармагына жаңы эрежелер кирип жаткандыгы тууралуу айтылган.

Бул маалымат чындыкка дал келбей тургандыгын бүгүн, 5-февралда аталган мекеменин маалымат кызматынан кабарлашты.

"УКМК бул маалыматты "фейк" катары баалайт. Буга байланыштуу жогорудагы маалыматтарды тараткандарды аныктоо боюнча текшерүү иштери жүргүзүлүп жатат", - деп жазылат маалыматта.

УКМК жалган маалыматтарды тараткандарды мыйзам чегинде кылмыш жообуна тартуу каралгандыгын эскертет.