Бишкекте 16 жаштагы окуучу мектепте асынган абалда табылды

Бүгүн, 11-февраль күнү №16 мектептен 16 жаштагы окуучу асынган абалда табылган. Бул тууралуу Бишкек мэриясынан билдиришти.

"Бүгүн таңкы саат 5те №16 мектептин кароолчусу видео байкоо камерасынын зымына асынган өспүрүмдүн жансыз денесин тапкан. Иликтөө иштерин жүргүзүү үчүн окуя орун алган жерге тез арада билим берүү башкармалыгынын кызматкерлери жана укук коргоочулар келишкен. Билим берүү башкармалыгынын буйругу менен окуяны иликтөө үчүн комиссия түзүлгөн.

Каза болгон өспүрүм 16 жаштагы №64 мектептин окуучусу А.А. экендиги аныкталды. Маалыматка ылайык, ал аталган мектепте 1-8-класска чейин окуп, 2019-жылы апрелде спорттук багыттагы мектепке (Теннис академиясы) которулган. 2019-2020-окуу жылын өз каалоосу жана ата-энесинин демилгеси менен №64 мектептен уланткан.

Мугалимдердин, социалдык педагогдордун айтымында, маркум абдан ачык, шайыр мүнөз, спорт менен машыккан активдүү бала болгон. 10-февраль күнү сабакка, андан кийинки иш-чарага да катышкан. Маалыматка караганда, учурда баланын ата-энеси ажырашуу алдында турган. Ата-энесинин бул кадамы анын өз жанын кыюусуна себеп болушу мүмкүн деген жагдай каралууда. Учурда Свердлов РИИБинин кызматкерлери тарабынан иликтөө иштери жүргүзүлүүдө", - деп билдиришти басма сөз кызматынан.

Автор: Гүлжамал Абылкасымова

19:30 11-02-2020

Жазылуу

РУБРИКАДАГЫ СОҢКУ КАБАРЛАР

20:42 2026-06-30 | Коом жана турмуш

Чоң-Алайда укук коргоо органдарынын ишин санариптештирүү жана жаңы өзгөртүүлөр талкууланды 10 0

20:32 2026-06-30 | Түркүн дүйнө

Орусия бензин жана авиациялык күйүүчү май экспортун толук токтотту 107 0

20:02 2026-06-30 | Түркүн дүйнө

Израил “Темир купол” жана “Темир нур” системаларын сыноодон өткөрдү 242 0

19:53 2026-06-30 | Түркүн дүйнө

Макрондун көз айнеги дипломатиялык протокол боюнча талкуу жаратты 266 0

19:09 2026-06-30 | Саясат

Кыргызстанда башкы прокурор алмашты 1095 0

18:48 2026-06-30 | Коом жана турмуш

Катар: “Иран-США ортосундагы техникалык сүйлөшүүлөр уланууда” 187 0

Архив

Комментарийлер (6)

aidinaernur

2020-02-11 21:27:39

Журок оорутат го

pyeon hwa

2020-02-11 21:57:56

Охрана бир жолу текшерип койсо болмок мектептин ичин ким бар ким жок деп, Бала сабак буткондон кийин еле асынып алган окшойт( же болбосо бироо асып кетти, далдыраган охранада кептин баары

senchi

2020-02-12 14:15:12

pyeon hwa,танкы саат 5те деп туратго

Bekturbek

2020-02-12 01:36:10

Ыйман сабагын Мектептерге киргизүү керек!!! Болбосо адамдар эмнеге жаралганын, унуп баратат! Ыйман жоктугунан, жаштар өзүнү-өзү асып өлтүрүп жатат. Өлсө эле бааржоктон кутулуп калчудай.

+17

Crokus

2020-02-12 14:49:22

Bekturbek,Адеп деген сабак барго.Мына ошол сабактан мугалимдер жеткиликтуу кылып уйротсун.Бир деме десен эле,айлык аз деп чыга келишет.

Baktyluu_bolgum_kelet

2020-02-12 10:45:34

Эси жоктун айынан башкалар зыян тартмай болду((

Комментарий калтыруу үчүн өз ысымыңыз менен кириңиз же каттоодон өтүңүз.