Шашылыш билдирүү! Жаан-чачынга байланыштуу тоолуу райондордо кар көчкү түшүү коркунучу бар

14-февралдан 17-февралга чейин күтүлүп жаткан жаан-чачынга байланыштуу өлкөнүн тоолуу райондорунда кар көчкү түшүү коркунучу сакталат. Бул тууралуу ӨКМнын басма сөз кызматынан билдиришти.

Маалыматка ылайык, Бишкек-Ош унаа жолунун Төө-Ашуу ашуусундагы 121-138, Ала-Бел ашуусундагы 198-265, Мырза-Аке-Кара-Кулжа-Алайкуу жолунун 45-115, Ала-Бука-Каныш-Кыя унаа жолунун 68-99, Красная -Горка-Ак-Таш жолунун 1-4-чакырымдарында кар күрткүсү жана кар көчкү түшүү коркунучу сакталат.

Жолдор тайгак болуп, муз тоңот. Унаалардын ортосундагы 500 метр аралык кыймыл чектелиши зарыл.

Автор: Айсалкын Качкынбекова