Бишкек-Нарын-Торугарт унаа жолунун Жаңы-Жол тилкесине таштар түшүп, жол каттамы жабылды. Бул тууралуу бүгүн, 22-февралда Өзгөчө кырдаалдар министрлигинин басма сөз кызматынан билдиришти.
"Алдын ала маалыматтар боюнча, бүгүн саат 15:10 чамасында Бишкек-Нарын-Торугарт унаа жолунун 360-чакырымында Жаңы-Жол тилкесиндеги жолго таштар түшүп, жол каттамы жабылды. Тазалоо иштерин жүргүзүү үчүн 2 даана техника, Өзгөчө кырдаалдар министрлигинин 5 куткаруучусу тартылды. Таш кулоодон жабыркагандар жок. Кошумча маалымат берилет", - деп айтылат маалыматта.