Премьер-министр Мухаммедкалый Абылгазиев: "Дүң соодагерлерге кампаларга барууга уруксат беришибиз керек"

Жарандардын коопсуздугу үчүн коменданттык саатты бекем сактоо керек. Бул маанилүү, ансыз коронавирус инфекциясынын жайылышын токтотуу мүмкүн эмес. Мындай пикирин премьер-министр Мухаммедкалый Абылгазиев билдирди.

Өкмөт башчыга ички иштер министринин орун басары, Бишкек шаарынын коменданты Алмазбек Орозалиев борбор калаадагы учурдагы абал тууралуу маалымат берди.

«Киргизилген тыюу салуулар бардык жарандарга белгилүү бир оңтойсуздуктарды жаратып жатат. Бирок бул убактылуу чектөөлөр жана өзүбүздүн коопсуздугубуз үчүн зарыл. Өзгөчө режим абалы киргизилген шаарлардын жана райондордун калкы киргизилген чектөөлөрдү түшүнүү менен кабыл алып, белгиленген эрежерлерди сактап башташты. Комендатуранын жана кээ бир мамлекеттик органдардын ишинде системдүү айрым бир кемчиликтер бар. Аларды мүмкүн болушунча ыкчам четтетүү керек», - деди Мухаммедкалый Абылгазиев.

Өкмөт башчы борбор калааны азык-түлүк, күнүмдүк керектөө товарлары жана дары-дармектер менен камсыздап жаткан ишкерлер үчүн тоскоолдуктарды тезинен четтетүү зарылдыгына өзгөчө көңүл бурдурду.

«Айрым дүң соодагерлер кампаларга жете албай, сатыкка чыгаруу үчүн товарларын алып кете албай жатышканын айтышууда. Биз чекене саткан дүкөндөргө товарларды убагында жеткирүү үчүн кампаларга барууга уруксат беришибиз керек. Бирок сатуучулардын социалдык жоопкерчилиги бар экендигин да унутпоого тийишпиз. Бааларды көтөрүп же соода түйүндөрүн жөн эле жаап койгон болбойт. Ошондуктан Бишкек шаарынын комендатурасы мындай фактыларды аныктап, тартип бузуучуларды өзгөчө абал маалында мыйзамга ылайык жазалоого тийиш. Ошону менен бирге дагы бир ирет белгилей кетсем, бүгүнкү күнү азык-түлүк продуктулары жетиштүү. Күнүмдүк керектөөдөгү продуктулар ташылып келген өлкөлөр менен чек ара ачык, жүк ташыган унаа каражаттары тоскоолдуксуз өтүп жатышат», - деп ишендирди өкмөт башчы.

Автор: Азат Бейшенбеков

20:30 28-03-2020

Жазылуу

Тектеш кабарлар:

Европада коронавирустун жаңы толкуну күтүлүүдө

Саламаттыкты сактоо министрлигинин өкүлү: "Акыркы эки күн ичинде вируска кабылганы аныкталгандардын төртөө чет өлкөдөн келишкен" (видео, хронология)

ЖАМКнын 4 кызматкери коронавирус жуктуруп алды

Мурдагы саламаттыкты сактоо министри Космосбек Чолпонбаевдин учурдагы абалы тууралуу айтылды

Иранда 23 депутат коронавируска кабылганы аныкталды

Таиландда коронавирустан улам үйүнө кете албай калган адам ачууланып, аялын балкондон түртүп жиберди

Бир суткада 119 бейтап үйлөрүнө чыгарылса, ооруканада 235 бейтап бар

Иттин шорпосунан коронавируска даба издегендерге дарыгер кеңеш берди

Коронавирус боюнча жалган маалыматты тараткан Кыргыз жараны Москвадан кармалды

Фейсбук бир айда коронавируска байланыштуу 50 миллион фейк маалыматты аныктады

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (5)

Jaznura

2020-03-28 20:38:51

Баарыбыз карантиндин шарттарын бекем сактасак, айтылган мыйзамдарга баш ийсек баары жакшы болот.

robot111

2020-03-28 20:46:59

Эгерде азыр биз өз алдыбызча изоляциянып сактанбасак, мындай стрессте биз өтө узак болобуз. Коңшуларыбыз менен болгон чегараларыбыз ачылбайт, бизнес ишин кайра баштабайт, жумуш болбойт… өзүбүз, жакындарыбыз катуу кыйналабыз!

Alimbek1000

2020-03-28 20:40:41

Уйдон чыкпагыла карантиндин эрежелерин сактагыла

aslonur

2020-03-28 20:40:52

Бишкек мейли борбор, мен Баткенден болом, дыйкандар не кылсын урматтуу окмот башчы? Куздо не кылабыз? Жеке менин тиричилигим ушул дыйканчылык менен жерим болгону 36сотых уй-булом 10кишиден турат, бак тиккенге кочот коп бирок алып келгени болбойт бул кочот деген карантинди кутпойт экен, сураныч тез арада ушул жагын да чечип бериниздер

Gsuita

2020-03-29 07:17:17

Мурда сатып алган товарлардын запасы түгөндү. Дүң соодагерлердин кампалары жабык болгон үчүн товарлардын баасы көтөрүлдү, мурда 1 л май 75-76 болсо баасы, азыр ошол майларды 90 дон алып сатып жатабыз. Эртереек чара көрбөсөңүздөр болбойт, эл үчүн бул баа кымбат да.

Комментарий калтыруу үчүн өз ысымыңыз менен кириңиз же каттоодон өтүңүз.