Бишкек шаарынын коменданты Алмазбек Орозалиев: "Эгер эрежелер сакталбаса, карантинди кайра киргизебиз"

Комендант бүгүн чачтарачканага барганын жашырган жок. "Мен дагы чыдап келдим, бүгүн чачымды тегиздеттим", - дейт Орозалиев.

Бишкек шаарынын коменданты Алмазбек Орозалиев бүгүн көчөгө чыгып, көп тартиптер сакталбай жаткандыгын айтып, элге кайрылуу жасады.

"Бүгүн Бишкекти кыдырып, шаар жандана түшкөнүнө күбө болдум. Бул, албетте, жагымдуу көрүнүш. Бирок карантин эрежелерин эч ким токтоткон эмес! Биз коронавирустун кайра козголушун каалабайбыз. Көпчүлүк бизди туура эмес түшүнүптүр.

Учурда экономикалык ишмердүүлүккө уруксат берилген жана алдыда башка багыттарга өтүп баштайбыз. Бирок бул сиздерди өзүңүздүн алдыңызда, Бишкек шаарынын алдында жана эң негизгиси үй-бүлөңүз алдындагы жоопкерчиликтен бошотпойт. Эгер абал өзгөрбөсө, анда карантин эрежесин кайра киргизүүгө туура келет. Андыктан колдон келишинче көчөгө чыкпай туруңуздар! Өзгөчө абал режими дагы деле жүрүүдө", - деди Орозалиев.

Ошондой эле комендант бүгүн эл катары чачын тегиздеткени чачтарачканага барганын айтып, ал жакта кезек күткөн жарандар көптүгүн жана эч кандай санитардык жана дистанциялык нормалар сакталбай жатканын билдирди. Жеке ишкерлерге, кардарларга кооптуулук жаратпоо үчүн санитардык шарттарды түзүп берүүнү суранды.

Эске салсак, 1-майдан тартып чачтарачкана сыяктуу айрым экономикалык ишмердүүлүккө иштөөгө уруксат берилди.

Бишкек шаарынын коменданты эрежелер сакталбаса, карантинди кайра киргизерин билдирди

Автор: Гүлжамал Абылкасымова

00:15 02-05-2020

Жазылуу

Тектеш кабарлар:

"Ар кандай чөптү кайнатып ичкендер бар экен". Министрлик жарандарды коронавирустун белгилерин байкап калса, өз алдынча дарыланбоого чакырды

Антибиотиктер адамдын иммунитетин өлтүрөт

Өзбекстанда апасы бир айлык баласын 18 миң долларга сатууга аракет кылган учурда кармалды

Вирусолог: "Коронавирус күч алган чектен өттүк. Майдын аягында вирус жок болуп калат"

Казакстанда коронавирус тездик менен жайылууда. Учурда ооругандардын саны 120га жетти

Окумуштуулар коронавирус 92 градус ысыкка чыдай тургандыгын аныкташты

"Ухан вирусу": Коронавирус жуктургандардын саны 335 миңден ашса, каза болгондордун саны 14 миң 641ге жетти

Ички иштер министринин биринчи орун басары Сүйүн Өмүрзаков Сузак районуна барды

Бүгүн Кыргыз өлкөсүнө орусиялык Спутник V вакцинасынын биринчи партиясы келет

Чет өлкөдөн келген жүргүнчүлөрдү учактын ичинен текшерүүгө алат

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2184 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 224 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1195 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2862 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1188 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1158 0

Архив

Комментарийлер (12)

isarti

2020-05-02 00:55:22

Кичине коркутуп коеюн десе керек да.

Aimani

2020-05-02 01:15:03

Чын да. Кайра күчөп кетсе отурабыз анан.

+14

Chungyz

2020-05-02 01:57:24

Жапайы болуп кеттик жата берип

Aktan2018

2020-05-02 02:33:49

Жапсанар жаба бергилечи мисалы мага баары бир болуп калды.жумуш ордум бош эле боюнча туруптур.

Bars88

2020-05-02 03:17:34

Бут Кыргызстандын тагдырын ушу комендант чечип калганбы каалаганын айтып.Эми токтото албайсынар элди уйдо жата беришип олсунбу.Эмдигиче болунгон акчаларды топтолгон башка жактан келген акчаларды болушуп бутсонор керек

Nemo_0587

2020-05-02 03:38:17

Карантинге камап элди эмнеге даярдап атканыңарды түшүнүп эле атабыз. Вакцина даяр болду эмдөөнү баштайбыз дешсе, Кыргыз эли жоголуп кетпесин десеңер отказ кылгыла.

ahun72

2020-05-02 04:42:02

Анда элге акча төлөп тургула

bessmertiy

2020-05-02 07:51:34

Дагы 1 айга карантин киргизип салгыла.

bekalife

2020-05-02 09:45:06

Туура тушунгуло. Эмнеге жонокой нерсеге мээнер жетпей ар нерсени дооруй бересинер. Булар эмне кылсада элдин ден соолугун ойлоп жатышпайбы

-1

Glucke

2020-05-02 13:39:30

Карантинди узатып эле коюш керек болчу негизи. Мен жашаган олкодо 1 жумадан бери вирус жуктургандардын саны 0 болуп жатат, баары айыгып 3 киши гана калды. Ошентсе да карантинди 15-майга чейин жылдырышты.

muku79

2020-05-02 23:15:58

Карантинди кайра киригизип, каалаган убакта ача бергидей эненердин оюнубу! Жетишет эми, карапайым эл кыйналды, жаттык жакшы эле!, Ачкадан ололубу эми?!!!

Комментарий калтыруу үчүн өз ысымыңыз менен кириңиз же каттоодон өтүңүз.