Саламаттыкты сактоо министрлиги: "Күч органдарынын 27 кызматкеринен коронавирус аныкталып, 17си ооруканада дарыланууда" (видео, хронология)

Бүгүн, 4-май күнү Саламаттыкты сактоо министрлигинин коомдук саламаттыкты сактоо башкармалыгынын башчысы Айнура Акматова жана юридикалык бөлүмүнүн башчысы Азамат Жумакеев өлкөдөгү эпидемиологиялык абал жана медицина кызматкерлеринин айлыктары тууралуу маалымат беришүүдө.

2020-05-04 10:30:00

"Екатеринбургдан келип, коронавирус аныкталып, 2-май күнү каза болгон жаран менен 157 адам бир каттамда келген. Алардын баарынан ПЦР-анализи алынган. Алгоритмге ылайык, 157 жаран экинчи ПЦР-анализин күтүп жатышат. Азырынча эч кимден коронавирус аныктала элек", - деп билдирди Акматова.

2020-05-04 10:28:00

"17-апрелден баштап Кыргыз өлкөсүнө чартердик каттам уюштурулуп, чет өлкөлөрдөн 1 миң 117 жаран келген. Алардын баарынан ПЦР-анализ алынган. Каттамдардын баарынан 5 адамдан коронавирус аныкталган", - деп билдирди Акматова.

2020-05-04 10:27:00

"Бүгүнкү күнгө чейин күч органдарынын 20 кызматкеринин коронавирус жуктурганы аныкталган. Алардын жарымы Бишкектеги клиникалык жугуштуу оорулар ооруканасында дарыланып, ооруканадан чыгарылган. Дагы 10 кызматкер дарылоодон өтүүдө. Кечээ күнү дагы күч органдарынын 7 кызматкери коронавирус илдети менен катталып, Бишкектеги жугуштуу оорулар клиникалык ооруканага жаткырылышты", - дейт Айнура Акматова.

2020-05-04 10:24:00

Саламаттыкты сактоо министрлигинин юридикалык бөлүмүнүн башчысы медицина кызматкерлеринин айлыктары тууралуу буйрукту башынан аягына чейин окуп чыкты.

2020-05-04 10:11:00

Учурда Кыргыз өлкөсү боюнча обсервацияда 908 адам жатат.

2020-05-04 10:10:00

Учурда бейтаптардын 13ү оор абалда ооруканада жатат.

2020-05-04 10:07:00

Дагы 9 медицина кызматкери коронавирус жуктурду.

Бишкек шаарында - 6

Жалал-Абад шаарында - 2

Нарын облусунда - 1

Ак халатчандардын жалпы саны 216.

2020-05-04 10:06:00

4-майга карата республика боюнча СOVID-19 инфекциясын жугузган 35 адам катталды:
Бишкек шаары - 26;