Биринчи вице-премьер: "Билем, баарыңарга оор болуп турат. Бир аз чыдап, үйдө болуп бергиле" (видео, хронология)

Бүгүн, 10-майда биринчи вице-премьер-министр жана республикалык ыкчам штабдын жетекчиси Кубатбек Боронов өлкөдөгү абал тууралуу маалымат жыйын берди.

2020-05-10 15:48:00

Кафе, ресторандар акыркы этап менен ачыла турганы айтылды.

2020-05-10 15:42:00

"Салык кызматына алган өткөрмө кагаздарына мөөр бастырыш үчүн барган жарандар аралыкты сактоону сунуштайм. Себеби ал жакта дагы адамдар топтолушу мүмкүн. Эми жарандарыбызга дагы да болсо чыдап, түшүнүп берүүңүздөрдү суранабыз. Силерге азыр оор болуп турат, бирок биз бул жолго барууга аргасызбыз. Мен вирус жуктуруу басаңдады дегенден алысмын. Өлкөдө абал оор эле. Андыктан үйдө отуруп бериңиздер", - деди Боронов.

2020-05-10 15:41:00

"Мындан ары карантин кирген аймактарды жергиликтүү бийлик өкүлдөрү көзөмөлдөйт. Мисалы, Бишкек шаарын, шаардык мэрия. Ал эми шаарга алыскы аймактардан келип иштеген кызматкерлер атайын "пропуск" алуу менен эч тоскоолдуксуз посттордон өтө алышат", - деди Боронов.

2020-05-10 15:39:00

"Үй карантинде жаткандар эрежени бузса, айып салынат. Андыктан анын эрежесин туура сактап отуруп туруңуздар", - деп кайрылды биринчи вице-премьер-министр.

2020-05-10 15:35:00

Коомдук транспорт азыр ишке кирбей турганын анын ордуна такси кызматы иштей турганы айтылды.

2020-05-10 15:34:00

Региондордогу каттамдар азайтылып, ал эми азык-түлүк ташыган унаалар иштей бере турганы айтылды.

2020-05-10 15:31:00

Май куюучу жайларда, май куйган жерлерде бир эле адам иштеши керек жана ошол иштеген адам атайын коргоочу кийимдерди кийиши зарыл.

2020-05-10 15:26:00

"Эгерде биз айтып жаткан эрежелер эртең ишке кирген ишмердүүлүктөрдө сакталбаса, алар жазага тартылат. Эгер ишке кирип жаткан экономика тармагындагы кызматкерлер эреже сактабай, вирус жуктуруп, аны жайылтып, андан адам каза болсо, анда ошол күнөөсү бар адамдар камакка дагы алынат. Мындан улам айтылган эрежелерге кулак салып, аны сакташ керек", - деди Боронов.

2020-05-10 15:22:00

Эртең, 11-майдан баштап экономикалык ишмердүүлүккө уруксат берилет. Анда жеке ишкерлер өзүнүн компаниясында карантиндик эрежени сактоосу абзел.

2020-05-10 15:21:00

Республика боюнча ар бир жаран эрежени туура сакташыбыз керек. Болбосо вирус күчөп кетүү коркунучу чоң. Эртеңден баштап экономикалык тейлөөлөр иштеп баштайт.

2020-05-10 15:20:00

Мамлекеттик кызматкерлер мурдагыдай эле режимде иш алып барышат. Ал эми жеке бизнес ээлеринен, ишкерлерден туура карантиндик эрежени сактоону өтүнөбүз!

2020-05-10 15:19:00

Кээ бир аймактарда вирус күчөп кетүү коркунучу бар. Ал эми карантин кирген аймактарда карантиндик-санитардык посттор болот.

2020-05-10 15:14:00

Өлкөдө өзгөчө абал алынып, ал эми өзгөчө кырдаал алынган жок. Азыр 28 миңдей адам үй карантинде. Кээ бир аймактарда 11-майдан баштап, Бишкек, Ош шаарында, Ат-Башы, Чаткал райондорунда карантин улана турганы маалымат жыйында айтылды.

2020-05-10 15:12:00

"Такси кызматы эрежелерди туура сактабай жатат. Күнүгө алардын унаасына 40-50 адам отурушу мүмкүн. Вирус жугуу коркунучу күч. Андыктан айтылган эрежени сактагыла", - деди Боронов.

Автор: Айсалкын Качкынбекова

16:03 10-05-2020

Жазылуу

Тектеш кабарлар:

Өзбекстанда коронавирустан 15-бейтап каза болду

"Apple" компаниясы колдонуучунун бет кап кийип жүргөнүн аныктай турган тиркеме иштеп чыкты

UFC 249: Турнирге бир күн калганда мушкерлердин биринен коронавирус аныкталды

Финансы министрлигинин эсебине 11 миллион 300 миң сом акча түшкөн

Министрлик өлкөдөгү эпидемиологиялык абал туруктуу болуп калганын айтты

Казакстанда бүгүн дагы 41 адам коронавирус жуктурганы аныкталды. Коңшу өлкөдө вирус жуктургандардын саны 191ге жетти

Коронавирустун айынан Кыргыз өлкөсүндө өтчү эл аралык турнирлердин мөөнөтү жылдырылды

Сутка ичинде коронавируска каршы 9 миңден ашуун адам эмделди. Жалпы канча?

Бишкек шаарынын мэри Азиз Суракматовдун бүгүнкү брифингдеги айткан керектүү маалыматтар топтому

Өткөн суткада 665 адам коронавирустан айыгып чыкты

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (4)

USAROV

2020-05-10 17:37:39

Кыргызстанда айлык такси менен жүргөнгө жетет 100000сомдон айлык алып жыргап жатышат. Коронавирус башталганда катуу караш керек эле. Жугуп бүткөндөн кийин эмес. Коронавирустан бийликтегилер пайда көрөт карапайым калк азабын тартат. Бир күнү эл жарылат бийлигинерди сактай албай каласыңар.

Samatalibei

2020-05-10 19:08:05

Силерге бир аз чыда деп айтып койуш оңой! Бир аз чыдаш кыйын болуп жатпайбы! Ачкадан өлгөн жаткандарга да бир аз чыда деп айтарынарга таң калбай койсо болот.

vikidiki

2020-05-10 22:35:55

Силер алган акчаны болушуп,жеп ,тоюп жарылгыча чыдай туралы ээ?

tilek121277

2020-05-10 23:44:26

ХХХХ не кылып эле жатышат

Комментарий калтыруу үчүн өз ысымыңыз менен кириңиз же каттоодон өтүңүз.