Депутат Бейшеналы Нурдинов бала бакчадан баштап англис тилин үйрөнүүнү киргизүүнү сунуштады. Бул тууралуу ал бүгүн, 27-январда Жогорку Кеңештин жыйынында билдирди.
Депутат белгилегендей, айрым өлкөлөрдө англис тилин бала бакчадан баштап окутуу практикасы бар. "Англис тил сабагын 3-5-класстан баштап киргизүү кеч болуп калат. Сиз 1-класстан же балдар бардык билимди сиңире турган бала бакчадан башташыңыз керек. Бизде ушунча керексиз сабактар бар. Бул көп каржы талап кылбайт деп ойлойм", - дейт ал.