Өлкөдө ден соолугунун мүмкүнчүлүгү чектелген балдар үчүн 18 мектеп бар экени айтылды

Өлкөдө ден соолугунун мүмкүнчүлүгү чектелген балдар үчүн 18 мектеп бар экени айтылды. Бул тууралуу бүгүн, 27-январда Жогорку Кеңештин жыйынында Билим берүү жана илим министринин орун басары Надира Жусупбекова билдирди.

Ал Кыргыз өлкөсүндө 2 миң 283 мектеп бар экенин айтты. "Ден соолугунун мүмкүнчүлүгү чектелген өспүрүмдөр үчүн 18 мектеп, ал эми мектепке чейинки курактагы балдар үчүн 14 билим берүү мекемеси иш алып барат", - деди ал.

Жогорку Кеңеште ден соолугунун мүмкүнчүлүгү чектелген балдарга билим берүү маселесине байланышкан мыйзам долбоору каралды.

Мыйзам долбоорундагы түзөтүүлөр өлкөдөгү оор социалдык – экономикалык абалды эске алуу менен республикалык бюджеттин чыгымдарын көбөйткөн ченемдерди алып салууга багытталууда. Ошондой эле инклюзивдик билим берүүгө тиешелүү ченемдердин күчүнө кирүү мөөнөтүн Өкмөт өзү аныктайт.

Автор: Жылдыз Джускембаева