"Себеби такталууда". Бишкекте "Восточная" көмөк чордонунда трансформатор иштебей калды

Бишкекте "Восточная" көмөк чордонунда Т-2 трансформатору иштебей калгандыктан калаанын бир бөлүгү жарыксыз калды. Бул тууралуу Кыргызстан улуттук электр тармагынын басма сөз кызматынан билдиришти.

Билдирүүгө ылайык, "Восточная" көмөк чордонунда саат 16:45те Т-2 трансформатору өчүп калган. Учурда коргоо тутуму иштей баштады.

"Алар альтернативдик схемаларды колдонуп керектөөчүлөрдү кайрадан жарык менен камсыз кыла баштады. Учурда трансформатордун өчүп калуу себебин иликтөөгө жерине жумушчу топ жөнөп кетти.

"Восточная" көмөк чордону борбор калаанын түндүк-чыгыш бөлүгүн электр энергиясы менен камсыз кылат", - деп жазылат мекеменин маалыматында.

Автор: Айжанар Рыспек кызы