Тышкы иштер министрлиги Бишкек-Москва аба каттамы аптасына 6 жолу жүргүзүлөрүн кабарлады

Өлкөнүн Тышкы иштер министрлиги Орусияга үзгүлтүксүз түз аба байланыш аптасына 6 каттамга чейин көбөйтүү тууралуу чечим кабыл алынганын маалымдайт.

"2021-жылдын 8-февралынан тартып Кыргыз жарандары Бишкек шаарынан Москвага "Авиа Траффик Компани" жана "Аэрофлот" авиакомпаниялары тарабынан жүргүзүлгөн үзгүлтүксүз аба каттамдары менен уча алышат.

Үзгүлтүксүз аба каттамдарынын көбөйүшү Covid-19 илдетинин жаңы штаммын Кыргыз Республикасына алып кирүүгө жол бербөө максатында алдын ала көрүлгөн чаралардан, жалпы эпидемиологиялык абал турукташкандыгынан улам ишке ашып жаткандыгын белгилейбиз", - дешти мекемеден.

Буга чейин Кыргыз өлкөсүнүн Орусиядагы элчилигинен Москва-Бишкек аба каттамы аптасына 1 эмес, 3 жолу жүргүзүлөрүн кабарлаган.

Автор: Бактыгүл Момбекова