Бишкектеги "Ош базарынын" айланасындагы баш аламан соода күркөлөрү алынды. Бул тууралуу шаардык мэриянын басма сөз кызматынан билдиришти.
Билдирүүгө ылайык, "Ош базарынын" айланасындагы мыйзамсыз 14 объектини, 9 темир жана бир жыгач стол, 2 жарнак тактасы жана 2 челек алынган.
"Турак-жай коммуналдык чарба иштери боюнча вице-мэр Жамалбек Ырсалиевдин Ленин районундагы таңкы текшерүүсүндө муниципалдык кызматтарга баш аламан соода түйүндөрүн жоюу иштерин күчөтүү тапшырылган", - деп жазылат маалыматта.