Бүгүн, 9-февралда Жалал-Абад облусунун Кербен шаарынын Шопоков көчөсүндөгү турак үйлөрдүн короо-жайларын жана огороддорун суу каптаган.
Жааган жамгырдын жана эриген кардын суулары топтолуп калгандыктан жергиликтүү жашоочулар Аксы райондук №70 өрт куткаруу бөлүгүнүн кызматкерлерин чакырышкан.
Өздүк курам суу каптаган үйдүн мал сарайынын ичиндеги сууларды суу сордуруучу аппараттын жардамы менен тазалап беришкен. Бул тууралуу ӨКМдин басма сөз кызматы кабарлады.