11-апрелде 448 жергиликтүү кеңеште шайлоо өтөт

11-апрелде 448 жергиликтүү кеңеште шайлоо өтөт. Бул тууралуу SUPER.KG порталына Борбордук шайлоо комиссиясынын төрайымынын орун басары Абдыжапар Бекматов билдирди.

"Алардын ичинде 28и шаардык кеңештер, калганы айылдык кеңештер. Жергиликтүү кеңештердин депутаттарын шайлоо эки систем менен жүргүзүлөт. Шаарларда саясий партиялардын катышуусу менен шайлоо болот. Айылдык кеңештердин депутаттарын шайлоо болсо мажоритардык систем менен өтөт. Шайлоо дайындалгандан баштап шаардык кеңештерге шайлоого 40 күн калганга чейин, айылдык кеңештерге 30 күн калганга чейин жылдыруу көрсөтүлөт. Каттоо мөөнөтү шаардык кеңешке 30 календарлык күн калганда, айылдык кеңешке 20 күн калганда аяктайт", - деди ал.

Автор: Жылдыз Джускембаева