"Баатыр" деген наам каалап жатышат деген жаңылыш маалымат". Октябрь окуяларынын катышуучулары калкка кайрылат

Өткөн жылдын 5-6-октябрь күндөрү Бишкекте болуп өткөн окуялардын катышуучулары "Кыргыз үмүтү" аттуу коомдук бирикме түзгөнү маалымдалган. Кийинчерээк бир катар жалпыга маалымдоо каражаттарында октябрдагы окуялардын катышуучулары "Баатыр" деген наам берүү талабы менен президент Садыр Жапаровго кайрылуу жолдошот деген кабар тараган. Аталган кыймылдын мүчөсү "бул жаңылыш маалымат, чынында биздин талаптар башкача болчу" дейт.

"Кыргыз үмүтү" калкка эмнени айткысы келип жатат? Ошол башаламандык күнүндө канча жигит жаракат алды, канчасы майып болуп калды? Учурда аларга медициналык жардамдар көрсөтүлүп жатабы? Ушул жана башка көптөгөн суроолорго бирикменин мүчөлөрү маалымат жыйында жооп берет.

Маалымат жыйын «SUPER MEDIA» пресс-борборунда 2-мартта өтөт.

Башталышы: саат 15:00.

Катышуучулар:

Айбек Кадыркулов - "Кыргыз үмүтү" коомдук бирикмесинин мүчөсү;
Самат Өкмөткулов - "Кыргыз үмүтү" коомдук бирикмесинин мүчөсү;
Саламат Алмазбек уулу - "Кыргыз үмүтү" коомдук бирикмесинин мүчөсү;

Дастан Эсенбеков - "Кыргыз үмүтү" коомдук бирикмесинин мүчөсү;

Ильичбек Дүйшекеев - "Кыргыз үмүтү" коомдук бирикмесинин мүчөсү.

Дареги: Бишкек шаары, Жибек Жолу проспекти 381 (Эльдорадо соода борбору, 2-кабат)

Автор: Айсалкын Качкынбекова