Жалал-Абад облусунда дайынсыз болуп изделип жаткан 31 жаштагы кыз Ош шаарындагы кафелердин биринде иштеп жүргөн жеринен табылды. Бул тууралуу шаардык милициянын кайгуул кызматынан билдиришти.
Маалыматка ылайык, 27-апрель күнү түнкү саат 22:30 чамасында Ош ШИИБи боюнча милициянын кайгуул кызматына Сузак районунун тургуну кайрылып, 1990-жылы туулган кызы дайынсыз жоголгонун, аны табууга көмөк көрсөтүүлөрүн өтүнгөн. Ата-энесинин айтымында, жоголгон кыз Ош шаарындагы кафелердин биринде иштеп жүрөт деген маалыматты уккандарын айтышкан.
Кызматкерлер шаарда жайгашкан кафе-ресторандарга кирип, кызды издеп, кафелердин биринен кызды таап, ата-энесинин колуна өткөрүп беришкен.
21-март күнү Жалал-Абад облусунун Сузак районунун тургуну 1990-жылы туулган М.кызы.Б. үйүнөн чыгып кеткен бойдон кайрылып барган эмес. Бул туурасында анын ата-энеси, Сузак райондук ички иштер бөлүмүнө кайрылып, алар маалыматтарды каттоо журналына каттап, иш тергөөгө өткөн.