Баткенде чыр чыккан аймактардан жалпы 1522 адам эвакуацияланды

Тажикстан менен болгон кагылышуудан улам бардыгы болуп 1 миң 522 адам коопсуз жайга эвакуацияланды. Бул туурасында саламаттыкты сактоо жана социалдык өнүктүрүү министринин орун басары Ализа Солтонбекова маалымат жыйында билдирди.

Анын айтымында, Ак-Сай айылы боюнча жалпы 389 үй-бүлө коопсуз жайга көчүрүлдү. Чыр чыккан аймактардан жалпысынан 444 чоң киши, 1 миң 78 балдар.

Кыргыз өлкөсү менен Тажикстандын чек арасындагы абал 29-апрель күнү таңга маал курчуп кеткен.

Буга чейин эки өлкөнүн тышкы иштер министрлери саат 20:00дөн баштап ок атышпоо чечимин кабыл алгандыгы кабарланган.

Автор: Бактыгүл Момбекова
Фото: ӨКМнын басма сөз кызматы