Бүгүн, 30-апрель саат 19:30га карата Кыргыз-Тажик чек арасындагы Баткен районунда абал тынч. Мындай маалыматты SUPER.KG порталына өздүк булак кабарлады.
"Баткен районунун Кара-Бак айылында абал салыштырмалуу тынч. Кыргыз аскерлери өз позицияларында, ал эми тажик аскерлери үйлөрдө жатат", - деди өздүк булак.
Чек ара кызматына бул боюнча азырынча байланышуу мүмкүн болбой жатат.
Кыргыз өлкөсү менен Тажикстандын чек арасындагы абал 29-апрель күнү таңга маал курчуп кеткен. Акыркы маалыматтар боюнча, кагылышуудан кыргыз тараптан 154 адам жаракат алып, 31 адам каза болду.