Баткен облусуна 40 тонна гуманитардык жардам жөнөтүлгөнү айтылды

Баткендеги чек ара чырында жаракат алгандар жана өлкөдөгү эпидемиологиялык абал боюнча маалымат жыйын өтүүдө. Ага саламаттыкты сактоо жана социалдык өнүктүрүү министринин орун басары Ализа Солтонбекова, Вирустук инфекцияларды көзөмөлдөөнүн республикалык илимий-практикалык борборунун жетекчиси Зуридин Нурматов катышууда.

Анда Солтонбекова гуманитардык жардам боюнча төмөнкүлөрдү билдирди.

"2-майда Баткен облусуна 40 тонна гуманитардык жардам көрсөтүлдү. Анда тамак-аш жана кийим-кече жөнөтүлдү. Учурда көптөгөн эвакуация болгон тургундар үйлөрүнө кайтып келе жатышат", - деп билдирди Солтонбекова.

Ошондой эле Орусия менен репатриация иштери жүргүзүлүүдө. Анда 6 бала Орусиядан Бишкекке алып келингени айтылды.

"Учурда Саламаттыкты сактоо жана социалдык өнүктүрүү министрлиги Орусия менен биргеликте репатриация иштери жүргүзүлүп жатат. Орусиядан 6 бала (4 кыз, 2 бала) алып келинип, балдар үйүнө жайгаштырылды. Алардын жакындарын таап, тапшырууга аркет көрүлөт", - деди министрдин орун басары.

Автор: Айжанар Рыспек кызы