Айыл чарба министри Баткендеги жазгы талаа иштери боюнча маалымат берди

Айыл, суу чарба жана аймактарды өнүктүрүү министри Аскарбек Жаныбеков Баткендеги жазгы талаа иштери боюнча маалымат берди. Бул боюнча ал бүгүн, 3-майда маалымат жыйында билдирди.

"Баткен облусунда 64 миң 600 гектар айдоо аянты бар. Анын ичинде 4 миң 850 гектар жеринде күздүк айдалган. Жазгы талаа жумуштарында 45 миң гектар жерде жүргүзүлмөк. Анын 85 пайызы аткарылды. Жаздык буудай, арпалар бүттү, жүгөрү кечирээк башталат. Жашылчалар 90 пайызга себилип бүттү. Суу тармактары боюнча Баткенде эрте даярдык көрүлөт. Убагында өткөрүү үчүн 16 миллион сом акча бөлүнгөн. 10-апрелде даярдыктар бүткөрүлгөн", - деди ал.

Автор: Жылдыз Джускембаева