Транспорт министрлиги: "Учурда Баткенде 8 маршруттук каттам иштеп жатат"

Транспорт, архитектура, курулуш жана коммуникация министрлиги тарабынан Баткен облусунда жүргүзүлүп жаткан иштер тууралуу маалымат жыйын болуп өттү.

Анда транспорт, архитектура, курулуш жана коммуникация министринин орун басары Нурланбек Кайынбаев учурда Баткен облусу боюнча 8 маршруттук каттам жүрүп жаткандыгын айтты.

"Транспорт тармагы боюнча 29-30-апрель жана 1-май күндөрү 4 миң 130 адам ташылды. Бул иштерге 293 кичи автобус тартылды. Ал унаанын бардыгы менчик. Баткен облусу боюнча мурда 72 автобустук каттам болсо, бүгүнкү күндө чек ара окуясына байланыштуу 8 эле маршруттук каттам иштеп жатат. Лейлек району боюнча Интернационал-Даркум, Интернационал-Башкент, Маргун-Арка, Исфана-Арка, Интернационал-Кайрагач. Баткен району боюнча 3 каттам иштеп жатат. Баткен-Исфана, Баткен-Ак-Сай, Баткен-Көк-Таш маршруттары", - деп билдирди Кайынбаев.

Белгилүү болгондой, Тажикстандын агрессивдүү кол салуусунан Баткен аймагындагы бир нече айылдар жабыр тартты. 36 адамдын өмүрү кыйылып, 189 адам жаракат алды.

Автор: Айзада Кыдырмышева