Рахмон Путин менен сүйлөшүүдө Кыргыз-Тажик чек арасындагы жаңжал маселесин көтөрдү

8-майда Москвада Тажикстандын президенти Эмомали Рахмон Орусиянын президенти Владимир Путин менен жолугушту.

Тажикстан президентинин расмий сайтында маалымдалгандай, Рахмон сүйлөшүүдө Кыргыз-Тажик чек арасындагы бардык көйгөйлөрдү тынчтык жолу менен чечүүгө байланыштуу Тажикстан өкмөтүнүн бекем позициясын баса белгилеген.

Орусиянын президентинин расмий сайтында Владимир Путин менен Эмомали Рахмондун жолугушуусу жөнүндө жарыяланганда Кыргыз өлкөсү менен Тажикстандын чек арасындагы жаңжал жөнүндө айтылган эмес. Андагы маалыматка ылайык, Орусия Тажикстандагы орусиялык аскер базасын жана тажик куралдуу күчтөрүн чыңдоо үчүн иштеп жатат.

28-30-апрель күндөрү Кыргыз өлкөсү менен Тажикстандын чек арасында куралдуу жаңжал болуп, анын натыйжасында расмий маалыматтарга ылайык, Кыргыз Республикасынын 189 жараны жаракат алып, 36 жаран каза болгон. Тажик бийлиги расмий түрдө 19 каза болгонун жана 87 жаракат алганын жарыялады.

Чыр-чатактын натыйжасында Баткен районунун айылдарында 78 үй, 2 мектеп, фельдшердик акушердик пункт, 3 чек ара заставасы, бала бакча, 10 май куюучу жай, ички иштер бөлүмүнүн имараты жана 8 дүкөн күйүп кетти. Тажик бийлиги 3-майда Исфаранын үч жамаатындагы 14 үй толугу менен, эки үй жарым-жартылай, ошондой эле Овчи Калача айылындагы орто мектеп жана бир турак үй жарым-жартылай талкаланган деп жарыялады.

Эки өлкө тең бири-бирин айыптап, Кыргыз өлкөсү менен Тажикстандын көзөмөл органдары оор беренелер боюнча кылмыш ишин козгошту.

Автор: Гүлшат Ысамамат кызы

11:03 10-05-2021

Жазылуу

Тектеш кабарлар:

Тажикстандык басылмалар чек арадагы чырдан дагы бир жаран каза болгонун жазышууда

Кыргыз-Тажик чек арасындагы чырдан улам жабылган жолдор ачылды

Чек ара чырында өрттөлгөн үйдүн чыгымы эсептелип бүтө элек

Кыргыз-Тажик чек арасында чыккан жаңжалдан жабыркаган адамга ок тийген. Ага операция жасалып, абалы оор

Тышкы иштер министри ЕККУдан Баткенде кыйраган объекттерди, үйлөрдү кайрадан курууга көмөк берүүнү суранды

"Киши өлтүрүү", "Чек арадан мыйзамсыз өтүү" жана башка. Чек арадагы окуя боюнча 11 кылмыш иши иликтене баштады

Садыр Жапаров: "Чек ара чырында жабыркаган адамдар камкордукка алынат" (видео)

Депутат Төрөбаев: "Баткендеги чек ара чыры боюнча эл аралык коомчулукка жеткирүү үчүн тышкы иштер министри баяндама жасашы керек"

Чек ара кызматы: "Кыргыз-Тажик чек арасында абал туруктуу"

Камчыбек Ташиев: "Тажикстанга зыянды төлөп бергиле деп кайрылбайбыз, алар күнөөсүн моюнга алышын күтөбүз "

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (3)

Milduri

2021-05-10 11:14:22

Эшшектер экен тажиктер, өтө жаман калк экен. Акмактын акмактары макулуктар десе силердиби шашпагыла, кыргыз бийлигинин күчү жетпесе Аллах өзү жазаңарды берет.

+11

Aibek_eka

2021-05-10 11:35:38

Milduri,эмнеге кыргыздын кучу жетпейт экен ташиевтин аткыла деген бир ооз созу керек душанбеге чейин бастырып барабыз бул капырларды

keba300989

2021-05-10 15:08:41

Milduri,Күнөө элде эмес Эмомали Рахмондо болуп жатат, бундан элида жадаган

Комментарий калтыруу үчүн өз ысымыңыз менен кириңиз же каттоодон өтүңүз.