Сөөгү окопто жаткан 14 кишинин арасынан табылган Тойчубек Исмаилов жакында уулун үйлөнтөм деп жаткан

Кыргыз-Тажик чек арасындагы тажик тараптын агрессивдүү кол салуусунан улам 200гө чукул адам ар кандай жаракаттарды алып, 36 адам көз жумганы маалымдалган. Каза тапкан 36 адамдын ичинде 1958-жылы туулган Тойчубек Исмаилов да бар. Ал Ош облусуна караштуу Кара-Кулжа районунун Кашка-Жол айыл өкмөтүнө караштуу Жаңы-Талап айылынын тургуну болгон. Маркум кандай жагдайда, эмне себептен Баткенге барып өлүмгө учурап калгандыгы тууралуу анын жубайы Эльмира Мамедиева айтып берди. Айтымында, алардын 3 баласы бар.

"Жолдошум экөөбүздүн жалгыз уулубуз бар, эки кызыбызды турмушка узатканбыз. Уулубуз 24 жашта, ал Бишкек шаарындагы Борис Ельцин атындагы Кыргыз-Орус Славян университетинде медицина факультетинин 6-курсунун студенти. Жолдошум ушул жылы баламды үйлөнтөм деп даярданып жүргөн. Өмүрлүк жолдошум 40 жылдан бери оор жүк ташуучу унаа менен жүк ташып иштеп келе жаткан. Ал 2021-жылдын 29-апрелинде кадимки жасап жүргөн иши менен Баткенди көздөй жөнөйт. Ал Баткенге жетип, унаасын токтоткондо, ал жакта коогалаң болуп жатканын угат. Анан эле алар топ балдар менен чогула калып Головнойду көздөй жөнөшкөн.

Алар "тажиктер келе жатат экен, биз аларды өткөрбөйбүз" деп жолго чыгышат. Ал жердегилердин бизге айткан маалыматы боюнча, топтолуп жөнөгөндөрдүн саны 150гө жакын экен. Ал жакка баргандан кийин эмне болгону бизге белгисиз. Аларга гранатомёд тийгенби же ок тийгенби окопто 14 кишинин жансыз денеси жатат. Ал учур видеого да тартылып калыптыр, алардын арасында канжалап кызыл футболкачан жаткан менин жолдошум. Бирок муну ошол учурда көпчүлүгү фейк видео деп туруп алышты. Чындыгында ал видео жалган эмес болчу, анткени өлгөндөрдүн арасында менин жолдошумдун дагы өлүгү жатат.

Баткендеги жаңжалды угуп, 30-апрель күнү таң эрте балам экөөбүз Баткенди көздөй бет алдык. Ал жакка барып жолдошумдун өлүгүн өлүкканадан таптык. Бизди анын элим-жерим деп ошол жакка чейин топ кишилер менен барып курман болгону кан жуткуруп жатат. Жолдошумдун сөөгүн алып келип жерге бердик. Азыр азабыз кете элек, ыйлап-сыктап отурабыз", - деди жубайы.

Автор: Гүлшат Ысамамат кызы

11:19 19-05-2021

Жазылуу

Тектеш кабарлар:

Баткен облусунун башчысы чек арадагы үй-бүлөлөрдүн абалынан кабар алды

Кыргыз-Тажик чек арасындагы абал. Тактала элек тилкеге салынган тосмолор алынууда

Парламентте Кыргыз-Тажик чек ара маселеси жабык эшик артында каралууда

Кыргыз-Тажик чек арасында чыр чыкты. Абал оор экени айтылды

Депутат Касымалиева Кыргыз-Тажик чек арасын тактоо боюнча кандай иштер жүрүп жатканы боюнча өкмөт маалымат берип туруусу керектигин айтты

Чек ара чыры: Эки өлкөнүн ички иштер министринин орун басарлары Лейлек районунда жолугушту

Кыргыз-Тажик чек арасында абал туруктуу, түн тынч өттү

"Өкмөткө биз өгөйбүзбү?". Кыргыз-Тажик чек арасындагы абалга нааразы болгон тургундар менен өкмөт өкүлдөрү жолукту

Рахмон Путин менен сүйлөшүүдө Кыргыз-Тажик чек арасындагы жаңжал маселесин көтөрдү

"Киши өлтүрүү", "Чек арадан мыйзамсыз өтүү" жана башка. Чек арадагы окуя боюнча 11 кылмыш иши иликтене баштады

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2184 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 224 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1195 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2862 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1188 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1158 0

Архив

Комментарийлер (4)

souza.j

2021-05-19 11:54:29

Данк сиздерге.

forever88

2021-05-19 12:47:03

Ыйлагын келет. Калп эле калп деп атышпадыбы беле УКМК.

adidas.

2021-05-19 12:54:05

Байкуш Тойчу ака,менин айылыман,кошунам болчу. Омур бою фура айдап айылда турбай иштеп журчу.Эми гана айылга уй салып, эми келип жашайм деп атканда ушундай окуя болуп кетти. Жаны жанаттан болсун, сурагын женил кылсын.

+13

Ali-5

2021-05-19 14:54:25

Аллах ырахматына алсын!

Комментарий калтыруу үчүн өз ысымыңыз менен кириңиз же каттоодон өтүңүз.