"Кумтөр" боюнча парламент токтому талаш-тартыш жаратууда

Жогорку Кеңеште "Кумтөр" боюнча парламенттин токтомунун 5-пункту боюнча талаш-тартыш жүрүүдө. "Ата журт" фракциясы өкмөт "Центерра" менен сүйлөшүүгө барарда "Кумтөр" боюнча мурунку келишимдерден бир тараптуу чыгууну демилгелеп иш жүргүзсүн дешүүдө. Муну депутат Өмүрбек Текебаев да колдоду.

Токтомдун экинчи пунктунун 5-бөлүгү: (Өкмөткө жүктөлөт)

- өз ара алгылыктуу варианттарга жетишүү мүмкүнчүлүгү болбогон учурда КРнын өкмөтүнүн, "Кыргызалтын" ААКсынын, канадалык "Центерра Голд Инк." компаниясынын, "Кумтөр Оперейтинг Компани" ЖАКсынын, "Кумтөр Голд Комппани" ЖАКсынын жана канадалык "Камеко" корпорациясынын ортосунда 2009-жылдын 24-апрелинде Бишкек шаарында кол коюлган "Кумтөр" долбоору боюнча жаңы шарттар жөнүндө Макулдашууну жокко чыгаруу жол-жоболору анын ичинде КРнын мыйзамдарына ылайык 2003-жылдын 31-декабрында түзүлгөн "Кыргызалтын" ААКсынын, канадалык "Камеко корпорейшн" корпорациясынын, Канадалык "Камеко Гол Инк." корпорациясынын жана Канадалык "Центерра Голд Инк." корпорациясынын ортосундагы "Кумтөр" долбоорун реструктуризациялоо жөнүндө Макулдашуудан жана КРнын өкмөтү менен "Центерра Голд Инк." компаниясынын жана "Кумтөр Голд Инк." ЖАКсынын ортосунда 2003-жылдын 31-декабрында түзүлгөн инвестициялык макулдашуудан 2013-жылдын 23-декабрына карата чыгууну демилгелесин.

Автор: Автандил Добулбеков