Жалал-Абадда 13 жаштагы Жоробек Акимжанов аттуу бала 4 күндөн бери дайынсыз болуп изделип жатканы маалым болгон. Ал аман-эсен табылды. Бул тууралуу SUPER.KG порталына Жалал-Абад ОИИБинин маалымат кызматынан билдиришти.
Маалыматка караганда, ал бүгүн, 18-июнь күнү Жалал-Абад облусунун аймагынан табылып, ата-энесине өткөрүп берилди.
Жоробек Акимжанов 14-июнь күнү Жалал-Абад шаарынын Живпром участкасындагы үйүнөн Сузак районунун Саты айылындагы чоң энесинин үйүнө барып, ал жактан шаардык базарга кеткен бойдон дайынсыз болуп жаткан.