Чүйдө сууга чөгүп кеткен 57 жаштагы кишинин сөөгү табылды

Буга чейин Чүйдүн Сокулук районунда сууга чөгүп кетиши мүмкүн деген күмөн менен 57 жаштагы киши изделип жатканы кабарланган.

Өзгөчө кырдаалдар министрлигинин маалымат кызматынан билдиришкендей, анын жансыз денеси суудан табылды.

20-июнь күнү Сокулук айылындагы Белинский көчөсүндө көлмөнүн жанында эркек кишинин кийимдери табылып, сууга түшүп, чөгүп кетиши мүмкүн деген күмөн менен "102" кызматынан маалымат келип түшкөн.

Бүгүн, 22-июнда жерине издөө иш-чаралары улантылып маркумдун жансыз денеси табылып, ИИМдин кызматкерлерине өткөрүлүп берилген.

Автор: Гүлзина Каныбекова
Фото: Өзгөчө кырдаалдар министрлигинин маалымат кызматы