Өлкөнүн муфтийи Замир Ракиев жана дин аалымдары коронавирус инфекциясына каршы вакцина алышты. Бул тууралуу муфтияттын маалымат кызматынан билдиришти.
Маалыматка ылайык, бүгүн, 15-июль күнү Кыргыз мусулмандарынын муфтийи Замир Ракиев Бишкек шаарындагы эмдөө пункттарынын биринен коронавирус инфекциясына каршы кытайлык синофарм вакцинасын алган.
Ошондой эле Аалымдар кеңешинин мүчөлөрү, Кыргыз Ислам университетинин проректору жана мугалимдери, Бишкек шаардык казыятынын имамдары эмдөөдөн өтүшкөн.
Буга чейин Кыргыз мусулмандарынын Аалымдар кеңеши COVID-19 илдетине каршы эмдөө боюнча
фатвасын чыгарган.