Эртең, 6-октябрда Бишкек шаарындагы Логвиненко көчөсүнүн бир бөлүгү саат 22:00дөн 8:00гө чейин жабылат. Бул тууралуу "Кыргыз темир жолу" мамлекеттик ишканасынан кабарлашты.
Маалыматка ылайык, асфальт төшөө жана темир жолдун кесилишиндеги плиталарды демонтаждоо иштерине байланыштуу Логвиненко көчөсүнүн бир бөлүгү жабылат.
"Биз келтире турган ыңгайсыздыктар үчүн кечирим сурайбыз. Бул иш патрулдук милиция кызматынын департаменти жана Бишкек шаардык ички иштер башкы башкармалыгы менен макулдашылган", - деп айтылат маалыматта.