Бишкектеги ооруканалардын 90 пайызы жылуулук менен камсыздалды

Бишкек шаарынын мэриясынын буйругуна ылайык, борбордо жылытуу мезгили 5-октябрга караган түнү башталган.

Шаардык саламаттыкты сактоо башкармалыгынын маалыматы боюнча, 47 саламаттыкты сактоо уюмунун 42си жылуулук системасына кошулду.

Ал эми жылытууну туташтыруу процесси №2, 6, 11, 12 үй-бүлөлүк медицина борборлорунда уланып, студенттердин бейтапканасында жылытуу системасын пландуу оңдоо иштери жүргүзүлүүдө.

"Ушул аптанын аягына чейин ооруканаларды толугу менен жылуулукка кошуу пландалууда", - деп айтылат маалыматта.

Автор: Айзада Кыдырмышева