Орусиянын президентинин администрациясынын жетекчиси Акылбек Жапаровду жогорку кызматка дайндалышы менен куттуктады

Орусиянын президентинин администрациясынын жетекчиси Антон Вайно Акылбек Жапаровго министрлер кабинетинин төрагасы – президенттин администрациясынын жетекчиси кызматына дайындалышына байланыштуу куттуктоо катын жөнөттү. Бул тууралуу президенттик администрациясынын басма сөз кызматынан билдиришти.

Антон Вайно белгилегендей, эки өлкөнүн президенттик администрацияларынын ортосундагы конструктивдүү жумушчу байланыштарды өнүктүрүү эки өлкө лидерлери тарабынан коюлган милдеттери натыйжалуу чечүүгө өбөлгө түзөт.

Ал Акылбек Жапаровго чың ден соолук, бакубаттуулук жана ишине ийгиликтерди каалады.

Автор: Жылдыз Джускембаева