Мектептерде сергек жашоо мүнөзү боюнча милдеттүү класстык сааттар өтүлө баштайт

Өлкөдөгү мектептерде сергек жашоо образын калыптандыруу үчүн класстык сааттар өтүлө баштайт. Бул тууралуу Билим берүү жана илим министрлигинин расмий сайтына жарыяланды.

Маалыматка ылайык, сабактарды өтүү тартиби боюнча нускама-усулдук кат даярдалган.

"Сабактар 6-7 жана 8-11-класстардын окуучуларына арналган, сергек жана коопсуз жашоо образын калыптандыруу үчүн зарыл болгон бардык негизги темаларды түшүндүрөт.

Айрым сабактарда жетилүү жана өткөөл куракка, аба аркылуу жугуучу инфекциялардын, анын ичинде COVID-19 жана башка оорулардын алдын алуу маселелери каралат. Аны менен катар мамиле, достук, үй-бүлө куруу, ала качууга жол бербөө тууралуу да айтылат", - деп жазылган маалыматта.

Автор: Айзада Кыдырмышева