Кыргыз жергеси орусиялык блогерлердин көзү менен. Өлкөбүз тууралуу дагы бир берүү эфирге чыгат

Орусиянын белгилүү блогерлери Кыргыз жерине келишип, тартуу иштерин жүргүзүштү. "Өз жолубуз менен - Виталик жана Лиза" долбоорунун авторлору бул жолку саякатында Кыргыз өлкөсүнүн Жети-Өгүз районуна, "Кумтөр" кенине барышты. Бул туурасында түгөйлөр Инстаграм баракчасына видео жарыялашты.

Блогерлердин айтымында, алар жергиликтүү тургундардын жашоосун, кыргыз тамак-ашын, узак жолдорду тартышты. Кыргыз өлкөсү туурасында берүүнү ушул аптада экранга чыгаруу пландалууда.

Белгилей кетсек, Виталик жана Лиза дээрлик 10 жылдан бери дүйнөнүн 70 өлкөсүнө саякаттап, берүүлөрдү тартып келишет.

Автор: Бактыгүл Момбекова