Ысык-Көлдө УКМК кызматкерлери үчүн курулган кызматтык үйлөр пайдаланууга берилди

Бүгүн, 3-ноябрда Ысык-Көл облусунун Жети-Өгүз районуна караштуу Кызыл-Суу айылында Улуттук коопсуздук боюнча мамлекеттик комитеттин аймактагы кызматкерлери үчүн курулуп жаткан 4 кызматтык үй пайдаланууга берилди. Бул тууралуу аталган комитеттин басма сөз кызматынан билдиришти.

Батирлерди кызматкерлерге тапшыруу салтанатына министрлер кабинетинин төрагасынын орун басары, УКМКнын жетекчиси Камчыбек Ташиев, президенттин Ысык-Көл облусундагы ыйгарым укуктуу өкүлү Мирбек Кожоев, Жети-Өгүз райондук мамлекеттик администрациясынын жетекчиси Руслан Мейматкулов жана УКМКнын кызматкерлери менен ардагерлери катышты.

Кызматтык үйлөрдүн курулушун "Мега Профит" жоопкерчилиги чектелген коом жүргүзгөн.

Автор: Жанбулат Жумабеков
Фото: УКМКнын маалымат кызматы