"ЭЛДИК КАБАРга" жооп: Чоң-Алайда электр жарыгы эмнеден улам өчкөнү белгилүү болду

SUPER.KG порталынын "ЭЛДИК КАБАР" бөлүмүнө Ош облусунун Чоң-Алай районунун тургуну кайрылып, аталган аймакка кар калың жаап, электр жарыгы жок экенин айткан.

Бул боюнча Чоң-Алай райондук электр тармактар ишканасынын жетекчиси Нурлан Умаров төмөнкүлөрдү билдирди.

"4-ноябрь күнү кечинде Чоң-Алай районунда суу кар жаап, Жекенди айыл аймагында 10 кВ жогорку чыңалууда электр жарыгын авариялык өчүрүү болгон. Ыкчам топ электр энергиясын берүүнү кайра калыбына келтирген.

Ал эми Чоң-Алай району боюнча электр энергиясын берүү үзгүлтүккө учураган жок", - деп билдирди ал.

Автор: Айжанар Рыспек кызы
Фото: Окурман