"Борбордук шайлоо комиссиясынын жарыялаган жыйынтыгына түшүнбөй отурабыз" дейт Ахматбек Келдибеков

"Азаттык" саясий партиясынан Жогорку Кеңешке талапкер Ахматбек Келдибеков SUPER.KG порталына шайлоо боюнча пикирин билдирип жатып, Борбордук шайлоо комиссиясы жарыялаган акыркы жыйынттыкка түшүнбөй отургандыгын айтты.

"Бүгүнкү шайлоо бардык эле партиялар кандай маанайда күтсө ошондой өттү. Онлайн эсептөө менен азыркы Борбордук шайлоо комиссиясынын жарыялап жаткан жыйынтыгы бизге түшүнүксүз болду. Биз 8%дан өйдө 9%га чейин алдык, бирок азыр сайт иштебей калып, цифралардын баары алмашып калды. Мунун эмне себептен экендигин азыр өзүбүз дагы түшүнбөй отурабыз", - дейт Келдибеков.