Депутат Жоробеков Таластагы аба майданын калыбына келтирүү керектигин айтты

Депутат Тариел Жоробеков аба майданын калыбына келтирүү керектигин айтты. Бул тууралуу ал бүгүн, 2-декабрда Жогорку Кеңештин жыйынында билдирди.

"Талас облусундагы аэропорт маселесин эки жылдан бери көтөрүп келгем. Өзүңүздөргө белгилүү болгондой, ал жердеги объекттер мамлекеттин балансында турат. Грант, кредиттер Транспорт министрлигине берилет. Алар иш жүргүзбөй жатышат. Аэропорт 2022-жылы толук ишке кириши керек. Төө ашууда жол тыгыны болот. Таластан ооруканага шашып бараткандар жол тыгынында турат. Ошон үчүн аэропорт иштесе алардын муктаждыгы чечилет", - деди ал.

Автор: Жылдыз Джускембаева