Эртеңкиге карата аба ырайы тууралуу маалымат

Эртең, 7-январда өлкөнүн кээ бир райондорунда кар жаайт. Бул тууралуу Кыргызгидромет агенттигинен маалымдашты.

Агенттиктен билдиришкендей, тоолуу аймактарда жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы:

Чүй, Талас облустарында түнкүсүн -4...+1, күндүз 1…+6;

Баткен, Ош, Жалал-Абад облустарында түнкүсүн -2…+3, күндүз +3…+8;

Ысык-Көл облусунда түнкүсүн -2…-7, күндүз +2…+7;

Нарын облусунда түнкүсүн -10…-15, күндүз -3…-8;

Бишкекте түнкүсүн -1…+1, күндүз +4…+6.

Автор: Айжанар Рыспек кызы
Фото: Айжанар Рыспек кызы