Күч блогун көзөмөлдөйт. Юстиция министрине жаңы орун басар дайындалды

Юстиция министри Аяз Баетов министрликтин жамаатына күч блогун көзөмөлдөй турган министрдин орун басарын тааныштырды. Бул тууралуу министрликтин басма сөз кызматынан билдиришти.

Маалыматка ылайык, 26-январдагы министрлер кабинетинин буйругу менен Юстиция министринин жаңы орун басары болуп Алмазбек Зарылбек уулу дайындалды.

Алмазбек Зарылбек уулу 1975-жылы туулган. Жогорку юридикалык билимге ээ. Буга чейин Улуттук коопсуздук органдарында, Тышкы иштер министрлигинин Консулдук кызмат департаментинде, Чүй-Бишкек юстиция башкармалыгында жана Юстиция министринин кеңешчиси орундарын ээлеген.

Андан кийин Юстиция министрлигинин пробация департаментин жетектеп келген.

Автор: Кенжебай Сатканалиев