Депутат: "Өткөн жылы Орусияда 200дөн ашык мигрант балдарыбыз баңги затты таратты, сатты деп кармалыптыр"

Бүгүн, 17-февралда Жогорку Кеңештин жыйынында депутат Нуржигит Кадырбеков мигранттар боюнча маселе көтөрдү.

"Орусияга барса эле асмандан жамгыр болуп доллар жаап жаткансып, 11-классты бүткөн балдар паспорт алары менен кетип калып жатышат. Ата-энеси ойлонбой туруп эле жиберүүдө. Өткөн жылды баңги заттарды таратты, сатты деп 201 бала кармалыптыр. Алар ошол бизнесте жүрөт дейсиздерби. Алар шылуундарга алданып жатат. Мигранттардын укуктарын коргоо боюнча система ойлоп табышыбыз керек", - деди Кадырбеков.

Автор: Жылдыз Джускембаева