БШКнын төрайымы: "Бардык автоматтык эсептөөчү урналардан алдын ала маалыматтар түштү"

Бардык автоматтык эсептөөчү урналардан добуш берүүнүн алдын ала маалыматтар түштү. Бул тууралуу бүгүн, 27-февралда Борбордук шайлоо комиссиясынын төрайымы Нуржан Шайлдабекова билдирди.

Ал билдиргендей, жалпы 120 шайлоо тилкеси болду. Бардык шайлоо тилкелеринен саат 21:00дө түшкөн.

Алдын ала жыйынтыктар боюнча Биринчи Май округунан Эльвира Сурабалдиева, Свердлов округу боюнча Абдурахманхаджи Муртазалиев көп добуш алышты.

Белгилей кетсек, 28-ноябрда өткөн шайлоодо аталган эки округда шайлоого катышкан жарандардын баарына каршы добуш бергендердин саны көп болгон. Анда Биринчи Май районунда 32,92 пайыз, Свердлов районунда 37,48 пайыз бардыгына каршы добуш берген.

Автор: Жылдыз Джускембаева